امتحان دراسات ( الوحدة الأولى جغرافيا والوحدة الأولي تاريخ )

" تأدبتم كى ترضوا لذاتكم ؛ فتأدبوا كى تصلحوا أبنائكم " 

حابب تتجوز مره واتنين وتلاته مفيش مشكلة ربنا أجاز التعدد لا خلاف علي ذلك . 

حابب الحياة بدون تعدد مفيش مشكلة

 عايز تطلق مفيش مشكلة بس أعرف وأفهم _ مفهوم تسريح بمعروف _ يعنى زى الإرتباط بمعروف اللى الطرفين أحسنوا الرفقة والمعاملة عشان بيت وعيلة وحياة يبقى لما يكون فى طلاق يكون بنفس الآلية

من أعظم صور المعروف تأثير الخلافات على أبنائكم كفاية أنهم يتقبلوا نفسياً موضوع فرقة أبيهم وأمهم لو دا مش  يمكن الأم والأب مش هيحسوا بكده لأن ممكن كل طرف يصبح ليه حياة جديدة وأسرة تانيه تشبع إحتياجاته 

عشان كده لله ولأجل بناء النفسي لأولادكم حاولوا تعملوا _إعادة تنظيم أدوار _فى فترة الفراق والشقاق المهم شخصية أبنائكم 

يعنى بأى أخلاق تفشى أسرار أخفاها الله عن أعين الجميع داخل غرف مغلقه بينكم عشان مجرد تنتصر لنفسك وتشوه صورة الطرف التانى

دا عمره ما يمكن نسميه إنتصار دا أكثر أمر يسمى إنفجار سوء الأخلاق اللى كان مستور بمصلحة الزوجين مع بعض 

بأى أخلاق إنك كأم أو كأب تحاول تشوه صورة الطرف التانى عند أبنائك بتظهر لمين إنك كنت أو كنتى على حق فى إنفصالكم ؟! . 

صدقونى أى تشويه ومحاولة لهدم صورة أعمدة كيان أبنائكم لمجرد إنك تحس إنك تشفيت فى الطرف التانى هو مجرد تشويه جزء فى كيان إبنك أو بنتك 

أحنا مستغربين ليه من التدنى الأخلاقى غير غياب وخلاف وشقاق بين روؤس وأعمدة الأسرة   

بلاش تسمع للناس اللى حوليك قوى حتى أقرب الناس  ؛ لأنهم غالباً كل واحد هيروح لبيته وعياله  ،جرب إنك تترك عيالك اسبوع بدون سؤال عنهم عند اقرب الناس ليك أكيد هيكون فى تملل منهم ، مفيش مشكلة إنكم تنفصلوا بس لازم يكون خارطة على رأس أولوياتها أبنائكم وكيفية بناء التكوين النفسي عندهم .

بلاش لما حياة طرفين تنتهى معاها تكتبوا نهاية الشخصية لأبنائكم 🙏 ".

بقلم / أستاذ أحمد يوسف