امتحان دراسات ( الوحدة الأولى جغرافيا والوحدة الأولي تاريخ )

 - هل انت ذكي ؟ 

‏- الذكاء ملوش تعريف مُحدد ، لكن الذكاء شئ نسبي حسب كل شخص ، يعني فيه الشخص الذكي في الدراسة ، فيه الشخص الذكي في الشغل ، الشخص الذكي في التعاملات ، لكن مفيش تعريف شامل للذكاء هو حاجة نسبية .. يعني مش حد ملم بكل حاجه ..

‏- الذكاء قبل كدا كان معروف انه نوعين فقط ، ذكاء منطقي و ده اللي هو ذكاء العباقرة و العلماء 

 و ذكاء لغوي / حياتي ، اللي هو معتمد علي الذكاء في الحياة و التصرف و الردود و الخ ..

 لحد ما في ١٩٨٥ جه عالم نفس اسمه "هاورد غاردنر" غير ده و حط ٩ أشكال من الذكاء زي ما قدامكوا كدا ..

‏١- الذكاء اللغوي " الشفهي "

هو ان الشخص يمتلك القدرة على استعمال اللغة و الكلمات و معرفة قواعد النحو و القدرة على ان كلامه يكون في سجع و يكون كلامه بليغ يوصلك المعني بطريقة سهلة ، زي " الشعراء و الخطباء و المذيعين "

‏٢- الذكاء الرياضي المنطقي 

و ده ان الشخص يكون عنده القدرة علي التفكير و حل المشكلات ، و استخدام الرياضيات بسهولة " الذكاء العلمي" 

زي علماء العلماء والمهندسين والفيزيائيين والباحثين

‏٣- ذكاء معرفة الذات 

و ده ان الشخص يكون عارف نفسه كويس و قادر يستخدم معرفته بنفسه في مواجهة الحياة ، زي مثلاً إنه يتعامل مع شعور الحزن و الالم ، يعرف هو عايز ايه ..

زي العلماء والحكماء والفلاسفة 

‏٤- ذكاء معرفة الآخرين ..

و ده إن الشخص يكون عنده القدرة انه يعرف اللي قدامه بيفكر إزاي و يعرف نواياهم و نقاط ضعفهم و يعرف يفرق بين الناس " الفراسة " دي صفات بعض رجال الدين والسياسة و الدكاترة النفسيين

‏٥- الذكاء الموسيقي والايقاعي

القدرة على تمييز الأصوات و الإيقاعات زي المطربين والملحنين والعازفين ..

‏٦- الذكاء الفراغي او البصري ..

و ده إن يكن الشخص عنده قدرة علي التخيل و الابتكار و معرفة الاتجاهات و القدرة انه يحفظ الطرق بسهولة و يتخيل مكانها ، زي المهندسين والجراحين والرسامين و النحاتين ..

‏٧- الذكاء البدني والعضلي ..

 قدرة الشخص على التحكم في حركات جسمه وعضلاته ، بحيث يعرف امتا يزود مجهوده و امتى يجري ، زي ميسي كدا بيعرف امتا يجري و امتا يرقصوو امتا يهدى ، وامتي يدافع وامتي يهاجم ..

زي لاعيبة الكورة و الالعاب التانية و السباحين ، والبهلوانات ، والممثلين ..

‏٨- ذكاء التعليم 

دول الأشخاص اللي عندهم القدرة على ايصال المعلومات بأسلوب واضح زي المعلمين و دكاترة الجامعة ..

و مش كل المدرسين و دكاترة الجامعه عندهم الذكاء ده عشان كدا لازم يعرفوا قدراتهم مش بالمجموع و خلاص ..

ممكن يكون حافظ المنهج ولكن معندوش قدرة في توصيل المعلومة ..

‏٩- ذكاء الطبيعية 

قدرة فهم الطبيعة وما فيها من حيوانات ونباتات و تقدر تتعامل معاها ، زي الفلاحين ـ الصيادين

‏- الذكاء عند غاردنر عبارة عن مجموعة من المهارات بتمكن الشخص من حل مشكلاته ، و القدرات اللي بتمكن الشخص من إنتاج ماله و تقدير قيمته في المجتمع

‏- الشخص النابغ ، هو اللي بيكون عنده نوعين او أكتر من أنواع الذكاء بنسبة كبيرة 

- ميسي عنده الذكاء البصري و الذكاء العضلي 

- إينشتاين عنده ذكاء روحانيات و ذكاء رياضي و ذكاء بصري 

- و غيرهم من النوابغ

‏- المهم انت مش غبي ، كل واحد ذكي في مكان معين ، المهم تستخدم ذكائك ده في مكانه و تحدد علي أساسه شغفك ، وتختار مستقبلك بنفسك